«Сіздер үшін ұялып тұрмын». Мақпал Жүнісова «МузАРТ» тобының әншілерін сынады

Халық әртісі, әнші Мақпал Жүнісова «МузАРТ» тобының ән жазатын студиясын сынға алды, деп жазды Malim.kz.

Өнер иесі Instagram-дағы стористе танымал топтың ән жазатын студиясы тозып кеткенін айтты.

Құрметті, «Музарттың» атақты жігіттері! Мейрамбек Беспаев, Кенжебек Жанабілов, Сәкен Майғазиев! Студияларыңыз өте тозған, баспалдақтан құлап қала жаздадым. Қабырғалары тесік-тесік, ауа да жоқ, өте нашар студия. Сіздер өз үйлеріңізді ғана емес, халық келетін, әншілер келетін мына студияларыңызды да тездетіп жөндеңіздер. Атақтарың дардай, ұят емес пе?! Өздерің осындай үйде тұрмас едіңдер! Біз ән жазып кеттік, бірақ сіздер үшін ұялып тұрмын, деді халық әртісі. 

Әнші кейін жазбасын өшіріп тастап, оның себебін түсіндірді.

Біраз адам балағаттап жазған соң алып тастадым. Өзім құрметтейтін бауырларым ғой. «Жаңа студияны күтеміз» деп жазғанда алмас едім. Олардың да дұшпандары баршылық екен, деді Жүнісова.

Фото: instagram.com/zhunusova.makpal