Танымал әнші балаларын қымбат мектептерден неге шығарып алғанын айтты

Көпшілікке Бүркіт есімімен танымал әнші Айбек Жансейітов «7 арнадағы» «Сырласу» бағдарламасына берген сұхбатында балаларын жеке мектептен шығаруының себебін түсіндірді, деп хабарлайды Malim.kz.

Өнер иесінің айтуынша, ол балаларын мемлекеттік мектепке ауыстыруды дұрыс шешім деп тапқан.

Пандемиядан соң балаларымды қазақ мектебіне, үкіметтің мектебіне ауыстырып жібердім. Ақылы мектепте әр сыныпта 14-15 баладан оқиды. Бала «3-ке» оқыса, «4» қояды, «4-ке» оқыса, «5» деген баға қояды. Ол түсінікті ғой. Сондықтан балаларды ақылы мектептен шығарып алып, бір сыныпта 30 бала оқитын, далаға шыққанда бір-бірімен алысып ойнайтын мектепке беру керек дедім. Аиша қарсы болды, бірақ менің айтқаным болады дедім. Қайнап жатқан орта сол жақта. Төбелесетін кезде төбелеседі, сыйластықты да сол жақта үйренеді. Әйтпесе күнделікті басынан сипап, «жақсы баласың» дейтін не мектеп ол, деді әнші.

Фото: видеодан кадр