«Қазгидромет» РМК 13–15 маусым аралығына арналған ауа райы болжамын жариялады.
Синоптиктердің мәліметінше, атмосфералық фронттардың өтуіне байланысты ел аумағында ауа райы құбылмалы болады: жаңбыр жауып, найзағай ойнайды.
13 және 15 маусымда Қостанай облысында, 15 маусымда Маңғыстау, Солтүстік Қазақстан және Ақмола облыстарында қатты жаңбыр жаууы мүмкін.
Осы кезеңде елдің солтүстігі мен солтүстік-батысында, ал 15 маусымда оңтүстік-батысында бұршақ жауып, дауылды жел соғуы ықтимал. Сонымен қатар, республика бойынша жел күшейеді.
Кей өңірлерде қатты ыстық та сақталады: Шығыс Қазақстан мен Абай облыстарында, сондай-ақ 14–15 маусымда Қарағанды, Жамбыл, Алматы және Жетісу облыстарында, 15 маусымда Атырау облысында ауа температурасы +35…+38°С-қа дейін көтеріледі.
