Қазақстанда көкжөтел бойынша қолайсыз эпидемиологиялық жағдай сақталуда. Бұл туралы Денсаулық сақтау министрлігінің баспасөз қызметі хабарлады.
Министрлік мәліметінше, көкжөтел 14 жасқа дейінгі балалардың арасында 392 жағдайы тіркелген. Оның 90%-дан астамы 5 жасқа дейінгі балалар арасында байқалып отыр.
«Көкжөтелдің көбеюі ұжымдық иммунитеттің төмендеуімен байланысты. Ол ауа тамшылары арқылы жөтелгенде, түшкіргенде, науқаспен сөйлескенде таралады. Инфекцияның көзі – екпе алмаған балалар. Вакциналау – инфекциядан қорғанудың жалғыз жолы. Жоспарлы екпені тұрғылықты мекенжай бойынша емханадан алуға болады», - делінген министрлік хабарламасында.
Көкжөтелдің белгісі - алдымен ауру балада жалпы суық тию сияқты басталады: мұрыннан су ағады, дене қызуы көтеріліп, жөтел пайда болады. Бірте-бірте жөтел күшейіп, ұстама тәрізді болады және бірнеше рет қайталанады. Ал асқынған жағдайда өкпенің қабынуы, мидың қабынуна әкеп соғады.
«Көкжөтелмен ауыратын науқастарды емдеуге арналған арнайы дәрі-дәрмек жоқ. Көкжөтелге қарсы екпе баланың 2 айлығынан бастап, 3 және 4 айлығында үш рет салынады. Сондай-ақ, 1,5 және 6 жастағы балаларға ревакциналау жүргізіледі»,- деп жазды министрлік.
ФОТО: ИНТЕРНЕТТЕН
Байланысты жаналықтар
MalimBlocks
