Алматы халықаралық әуежайында жаңбыр мен қардың салдарынан бірнеше рейстер кешігіп жатыр, деп жазды inform.kz.
Әуежайдың онлайн-таблосына шыққан мәлімет бойынша Алматыдан Өскеменге, Петропавлға, Астанаға, Семейге ұшатын рейстер, сондай-ақ Астана, Шымкент және Ақтаудан келетін рейстер кешігіп жатыр.
Әуежайдың баспасөз қызметі таратқан мәлімет бойынша Алматы халықаралық әуежайында жерүсті қызмет көрсету қызметтері қалыпты режимде жұмыс істеп тұр.
«Ауа райына байланысты рейстердің кешігуі байқалмайды. Дегенмен кейбір рейстің кешігуіне байланысты сұрақтар бойынша тікелей әуе компаниясына хабарласуыңызды сұраймыз», - деп хабарлады Алматы әуежайының баспасөз қызметі.
Фото: ашық дереккөзден
