Алматыда жаяу жүргіншілер өткелінде автобус әйел мен баланы қағып кетті. Алматы қалалық полиция департаментінің мәліметінше, оқиға кеше таңғы уақытта Медеу ауданында болған.
«Автобус жүргізушісі Райымбек даңғылы бойымен шығыс бағытта келе жатып, Қонаев көшесіне оңға қарай бұрылған кезде бала жетектеген әйелді қағады. Олар шығыс бағытта бағдаршамның жасыл түсіне жол бөлігінен өтіп бара жатты. Әйел сол жердегі жақын ауруханалардың біріне жеткізілді. Бала зардап шеккен жоқ. Оқиғаның мән-жайын Медеу аудандық полиция басқармасы анықтап жатыр», - деп хабарлады Алматы қалалық полиция департаментінің баспасөз қызметі.
Фото: видеодан скриншот
