Кеше ғана қызмет ауыстырған денсаулық сақтау вице-министрі Камалжан НАДЫРОВТАН коронавирус анықталды. Бұл туралы денсаулық сақтау министрі Елжан БІРТАНОВ Facebook парақшасында жазды.
21 наурыздан бастап ресми түрлде Алматы қаласы қоғамдық денсаулық сақтау басқармасы басшысы қызметіне тағайындалған Надыров қазір ауруханада жатыр.
"Кеше үкімет қаулысымен Камалжан Надыров басқа жұмысқа ауысуына байланысты денсаулық сақтау вице-министрі қызметінен босатылды. Алматы қаласында коронавирустық инфекция кеңінен тарап, жағдай қиындаған соң қоғамдық денсаулық сақтау басқармасының қазіргі басшысы Тілеухан Әбілдаев отставкаға кету туралы өтініш білдірген болатын. Қаладағы команданы күшейту мақсатында басқарма басшысы лауазымына Надыровты тағайындау жоспарланған еді",- деп жазды министр.
Бірақ, Надыров жаңа жұмысына кірісіп үлгермеді. Түнде ғана оның коронавирус инфекциясын жұқтырғаны анықталыпты.
"Кеше кешке Надыровқа коронавирус инфекциясын жұқтырды деген диагноз қойылды, қазір ол емделу үшін ауруханаға жатты. Әріптесім Камалжан Талғатұлының тез сауығып кетуіне тілектеспін және қолдау білдіремін!", - де»ді Біртанов.
Осыған орай, отставкаға арыз берген Әбілдаевтың өтініші тоқтатылып, жұмысын істей тұрады. Бұл Алматы қаласы әкімінің келісімен шешілген жағдай екен.
Айта кету керек, Надыров өткен аптада ғана Алматы қаласы маңындағы Іле, Қарасай, Еңбекшіқазақ аудандарын аралап, коронавирусқа қатысты жағдаймен танысып қайтқан.
Алматы қазір медицина қызметкерлері ең көп ауру жұқтырған қала болып тұр. Соңғы мәлімет бойынша Алматыда 680 адамның инфекция жұқтырған, оның жартысына жуыға дәрігерлер.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
