Коронавирус жұқтырған дәрігерлердің өзін кінәлаған Айзат Молдағасымова Алматының бас санитары қызметінен кетті. Оның орнын Жандарбек Бекшин басты.
"Жандарбек Бекшин Алматының бас санитар дәрігері болып тағайындалды", - делінген денсаулық сақтау министрлігінің хабарламасында.
Жандарбек Бекшин 2019 жылдың маусымынан 2020 жылдың наурызына дейін еліміздің бас санитар дәрігері қызметін атқарған.
Коронавирус індеті басталғалы бері Алматының бұрынғы бас санитар дәрігері Айзат Молдағасымованың басы бірнеше рет дауға қалды. Наурыз айының басында елге Франкфурт арқылы ұшып келген А.Молдағасымованың рейсінен коронавирус жұқтырған адам табылса да, қаланың бас санитары карантинге бірден жатпай, жұмысқа шыққан.
Алматы қалалық орталық клиникалық аурухананың дәрігерлері коронавирус жұқтырғанда сұхбат берген А.Молдағасымова дәрігердің сақтық шараларын жеткілікті дәрежеде қолға алмады деп медицина қызметкерлерінің өзін кінәлаған. Осы мәлімдемеден кейін Алматы қаласы орталық клиникалық аурухана дәрігерлері президент Тоқаевқа хат жазып, араша сұраған.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
