Ауылға бөлінген қаржы игерілмейді
Елімізде әкімдіктер «Ауыл - ел бесігі» жобасына бөлінген бюджет қаражатын тиімсіз пайдалануда,- деді үкімет отырысында Әлихан Смайылов.
«Бюджеттік қаражатты тиімсіз жоспарлау және пайдалану, тендерлерді кеш өткізу, тиісті бақылаудың жоқтығы нысандарды пайдалануға берудің кешігуіне әкеліп соқтырады»,- деді премьер-министр.
Оның айтуынша, былтыр Ұлытау ауданына қарасты Атасу, Бидайық, Бостұмсық және Сарысу ауылдарындағы аурухана мен емхана құрылысы толығымен қаржыландырылғанымен, жұмыс әлі аяқталмаған. Солтүстіктегі Мүсірепов ауданында өткен жылы 53,5 шақырым жолдың құрылысы аяқталуы тиіс болған, бірақ жоспарланған көлемнің 26,5 шақырымы ғана пайдалануға берілген, жоспардың 50 пайызы әлі орындалмаған. Биыл республикалық бюджеттен «Ауыл - ел бесігі» жобасына 198,2 млрд теңге бөлінді. 800 елді мекенде шамамен 2 мың жоба іске асырылады деп күтілуде. Смайылов Қаржы министрлігі, Ұлттық экономика министрлігі және облыс әкімдігімен – «Ауыл – ел бесігі» жобаларының сапалы және уақтылы іске асырылуын қамтамасыз етсін,- деді. Үкімет басшысының мәліметінше, Алматы және Ұлытау облыстарында қаржы игеру деңгейі төмен.
