Жамбыл облысы Байзақ ауданындағы әскери бөлімде қалған оқ-дәріні жою қайта жанданды
«Жару жұмысы дүйсенбіден жұмаға дейін әр күндері өткізіледі. Жақын жатқан елдімекендердің қауіпсіздігі үшін бір жарғанда аз-аздан жарып жатырмыз. Бір жарғандағы тротил салмағы — 600-700 келі», — дейді әскери бөлім командирі Еркін Әбсадықов.
Нақты қанша оқ-дәрі жойылатыны туралы әзірге толық ақпарат жоқ. Бірақ жою процессі қараша айына дейін жалғасады.
Еске сала кетейік, өткен жылдың тамызында Байзақ ауданындағы қару-жарақ қоймасында жойқын жарылыс болып, 17 адам қаза тапқан. Бір әскериден әлі күнге хабар жоқ. Төтенше жағдайдың себебі де күні бүгінге дейін айтылмады.
Байланысты жаналықтар
MalimBlocks
