Бір күнде 200 адам. «Сары» аймақтағы Алматы «қызылға» өте ме?
Короновирус бойынша Алматыда эпидемиологиялық ахуал асқынып барады
Алматыда стелс-омикрон штаммы жүріп жатыр. Және короновирус жұқтыру бойынша көрсеткіш бірнеше есе өскен. Бұл туралы Алматы қалалық санитарлық-эпидемиологиялық бақылау басқармасы хабарлады.
«Алматы қаласындағы эпидемиологиялық аһуал одан ары асқынып барады. Маусым айында мамырға салыстырғанда ауру жұқтыру деңгейі 6,3 есе өскен. Тәулігіне 100-ден 200-ге дейін ауру жұқтырып жатыр. Биылғы 3 маусымнан бастап ҚР ДСМ эпидемиологиялық жағдайды бағалау матрицасында қала «сары» аймақта. 2022 жылдың 6 айында қалада 55 441 короновирус жағдайы тіркелді», - деді Алматы қалалық санитарлық-эпидемиологиялық бақылау басқармасы жетекшісінің орынбасары Қарлығаш Әбдіжапарова.
Әбдіжапарованың айтуынша, мамыр айында 94 адам ауру жұқтырса, маусымда 595 жағдай тіркелген. Шілде айының өзінде 773 адамның короновирус жұқтырғаны тіркеліпті.
Қазір Алматыдан бөлек астананың да сары аймаққа өтуі мүмкін екені айтылып жатыр. Бұл қалада бір күнде 36 адам ауру жұқтырған. Ал, Қазақстан бойынша 330 ауру тіркелсе, оның 191-і Алматыға тиесілі.
Қазақстандағы короновирус «бағдаршамының» талаптары бойынша 100 мың адамға шаққанда 25-тен 50 адамға дейін болса «сары» аймақ, одан жоғары болса «қызыл» аймақ талаптары енгізіледі. Соңғы 6 күндегі 773 адамның 191-і соңғы тәулікке тиесілі екенін ескерсек, қалада соңғы күндері эпид ахуал тіпті асқына түскені байқалады. Егер бұл қарқын тоқтамаса, маска тағуды ұмыта бастаған қала тұрғындары «қызыл» аймақ туралы да ойлана бастауы мүмкін.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
