Біртанов Бекшиннің мәлімдемесіне қатысты түсінік берді

Malim Админ

  • 10.03.2020

Денсаулық сақтау министрі Елжан Біртанов коронавирус инфекциясының келуі туралы болжамдарға пікір білдірді. Бұл туралы ол Facebook-тағы парақшасында жазды.

«Құрметті достар! Әлем бойынша коронавирус инфекциясы 115 елге таралды. Олардың арасында бізге көршілес мемлекеттер және тікелей әуе қатынастарын орнатқан елдер де бар. Сонымен бірге, бәріміз сыртқы әлемнен толық оқшауланудың мүмкін еместігін түсінеміз. Еліміздің аумағына инфекцияның енуі ықтимал екенін де жоққа шығармаймыз», - деп жазды Біртанов.

Ол сондай-ақ үкіметтің коронавирус инфекциясын елге кіргізбеу мен таратпау үшін шаралар қабылдап жатқанын айтты. Және бүгін әлеуметтік желілерде көп талқыланған, сынға ұшыраған бас санитарлық дәрігер Жандарбек Бекшиннің даулы мәлімдемесіне түсігіктеме берді.

«Бүгінгі таңда Қазақстанда аурудың расталған бірде-бір жағдайы тіркелген жоқ! Қазақстанның бас мемлекеттік санитарлық дәрігері Ж.М.Бекшиннің коронавирус инфекциясының келуі туралы болжамы – біздің ғалымдардың статистикалық модельдеу арқылы жасаған болжамы ғана. Бастапқы деректер ретінде әлемнің түрлі елдерінде жолаушылар тасымалы мен коронавирус инфекциясының таралу көлемі алынды. Түрлі сыртқы факторларды ескере отырып, деректердің үнемі өзгеріп отыратындығын атап өткен жөн. Мәселен, беделді Ланцет журналында коронавирустың Қытайдан әлемдік мегаполистерге таралуы туралы ұқсас болжам жасалды», - дейді Біртанов.

Біртанов сонымен қатар ғалымдар жасаған болжамның іске аспауы да мүмкін екенін ескертті.

Еске салсақ, бүгін Бекшин наурыз айының 11-16 аралығында Қазақстанда коронавирус тіркелуі мүмкін екенін айтты.

Байланысты жаналықтар

"Қызыл аймақтағы" Алматы: "70 науқасқа 1 дәрігер. Барлығы шаршаған"

13.04.2021

Ковид және вирусты пневмониямен ауырғандар оңалту қызметін ала алады

06.11.2020

Сол жағалау: «Енді маған мектепте орын жоқ»

09.03.2020

Мұғалімдер қағазбастылықтан құтылды

10.05.2020

«Únsіz qalma»: Буллинг пен конфликтің 5 айырмашылығы

31.10.2020

Мәмин мен министрлер вирусқамақтан шықты

19.06.2020
MalimBlocks
"Қызыл аймақтағы" Алматы: "70 науқасқа 1 дәрігер. Барлығы шаршаған"

Ковид және вирусты пневмониямен ауырғандар оңалту қызметін ала алады

Сол жағалау: «Енді маған мектепте орын жоқ»

Мұғалімдер қағазбастылықтан құтылды

«Únsіz qalma»: Буллинг пен конфликтің 5 айырмашылығы

Мәмин мен министрлер вирусқамақтан шықты