Болат Назарбаев «Барыс» автобазарынан айырылды
Экс-президент Нұрсұлтан Назарбаевтың інісі Болат Назарбаев сот шешімімен автокөлік базарынан айырылды, деп хабарлайды Exclusive.kz.
Қарасай ауданының прокуратурасы Болат Назарбаевқа жалпы көлемі 35 гектардан асатын жер телімдерін сатып алу-сату шартын жарамсыз деп тану туралы талап арызбен сотқа жүгініп, сот «Барыс» базары орналасқан жерді мемлекетке қайтару туралы қаулы шығарған болатын. Бірақ Болат Назарбаев шешімге қарсы шығып, апелляциялық шағым түсірді.
– Азаматтық істер жөніндегі апелляциялық алқа оның заңдылығы мен негізділігіне байланысты бірінші сатыдағы соттың шешімін өзгеріссіз қалдырды, – деп хабарлады сотта.
«Барыс» автобазары Алматы-Бішкек тас жолының бойында, Қаскелең қаласында орналасқан. Базарда пайдаланылған автокөліктер мен авто бөлшектер сатады. Бұның алдында бұрынғы президенттің інісі "Алтын орда", "Орталық әмбебап базары", "Барыс-4" базарларынан айырылған.
Байланысты жаналықтар
MalimBlocks
Ақшолақовтың энергиясын Назарбаев пен Нығматулин жеп келіпті
Биыл көктемнен бері майнинг компаниялар туралы көп айтылды. Мәселен, бұрынғы мәжіліс спикері Нұрлан Нығматулиннің егізі Ерлан Нығматулин заңсыз майнинг компаниясы арқылы жылына 40 миллион АҚШ долларын тауып отырғаны туралы сөз болған. Артынша, бұл "бизнесте" Болат назарбаевтың және бұрынғы президент айналасының да қатысы бар екені айтылған.
