Қаржылық мониторинг агенттігі еліміздің барлық мамандандырылған ХҚКО-ын тексеруді бастады, деп хабарлайды ведомствоның баспасөз қызметі.
«Агенттік төрағасы Дмитрий Малаховтың тапсырмасы бойынша еліміздің барлық мамандандырылған ХҚКО-ында төлемдердің дұрыс жүргізілгенін тексеру мақсатында жүк көліктерін, автобустарды және басқа да көліктерді есепке қоюдың заңдылығын тексеру жүргізілуде. ҚМА бастамасымен алдын алу жұмыстары аясында Агенттік, Цифрлық даму министрлігі және «Азаматтарға арналған үкімет» КЕАҚ өкілдерінің жұмыс кездесуі өтті», - делінген хабарламада.
Тараптар жүк көліктері мен автобустарды есепке заңсыз қою оқиғасының жиілеп кету фактісін алдын алу шараларын талқылаған.
«Кездесу барысында бүгінгі таңда алаяқтар қолданған 4 негізгі схема анықталғаны айтылды», - деп жазды.
ҚМА төрағасының орынбасары Қайрат Бижанов мұндай кездесулер алдағы уақытта заңға қайшы оқиғаның алдын алу бойынша бірлескен тетіктерін әзірлеу мақсатында өткізіліп жатқанын атап өтті.
«Қылмыстық жауапкершілік шаралары ғана мәселені шеше алмайды. Болашақта мұндай оқиғалардың алдын алу үшін барлық мүдделі тарапты тыңдау қажет. Біздің басты міндетіміз – алдын алу шараларын жүргізу», — деді Бижанов.
Сондай-ақ, Цифрландыру вице-министрі Асқар Жанбакин ақпараттық жүйелердің толық интеграциясы жүргізілгенін хабарлады, бұл VIN енгізу кезінде авто туралы барлық деректі автоматты түрде ақпараттық жүйеден тартуға және төленуге жататын алымдар мен төлемдерді есептеуге мүмкіндік береді. Жүйені жаңарту ХҚКО қызметкерлерінің автокөлік туралы деректерді «қолмен» енгізудің жолын кеседі.
Айта кетейік, 2023 жылдың тамыз айынан бастап Қаржылық мониторинг агенттігі 23 қылмыстық істі тіркеді, аталған іс бойынша 3 мыңға жуық автокөлік өткен. Мемлекетке келтірілген залал 14 млрд теңгеден асты.
Фото: ашық дереккөзден
Байланысты жаналықтар
MalimBlocks
