Гүлшара Әбдіхалықованы «ханның қызы» деген тұрғын ұсталды
Әлеуметтік желіде тарап кеткен ақпарат расталды.
Экс-әкім Гүлшара Әбдіхалықованы «ханның қызы» деген тұрғын ұсталып, үстінен қылмыстық іс қозғалды. Әлеуметтік желіде тарап кеткен бұл ақпаратты Қызылорда облысының Полиция департаменті растады.
«Аталған дерек бойынша Қызылорда облысының Полиция департаменті қылмыстық іс қозғап, тергеп-тексеру әрекеттері жүргізілуде. Өзге де ақпарат тергеу құпиялығына байланысты жария етілмейді», - делінген ПД түсініктемесінде.
Еске сала кетейік, 2020 жылдың шілде айында Қызылорда облысы әкімі Гүлшара Әбдіхалықова Жаңақорған ауданына іс-сапармен барған болатын. Сол кезде полиция жолды жауып, көлік қозғалысын шектеген. Бұған ашуланған қызылордалық тұрғын әкімге: «Маршрутты тоқтатып, жолды жауып тастады. Сіз әлде ханның қызысыз ба?» деген болатын.
Фото: Нұрсұлтан Байменов
Байланысты жаналықтар
MalimBlocks
