Ішкі істер министрлігі Алматыдағы карантин тәртібін ұстанбаған біраз нысандарды анықтағандарын хабарлады. Мәселен, "Bor Bossa" түнгі клубында жастар емін-еркін жиналып, ішімдік ішіп, би билеп, кездесу өткізіп келген. Әлбетте, секеңдеген жастар тексерушілер сумаң етіп кіріп келгенде ғана маска тағып, тәртіпті боп отыра қалған. Бұл клуб қонақтарын ішке арнаулы картамен ғана кіргізіп келіпті. Тұрақты қонақтардың демалысына тексерушілер қайран қалғанын жасырмайды.
-Клубтың біраз қонақтары бассейнде шомылып, қалған бөлігі барда музыка тыңдап шалқайып отырды. Түркісіб аудандық басқармасына карантин талаптарын сақтамаған 90 адам жеткізілді,- депті Алматы қаласы полиция департамент бастығының орынбасары Берік Әділбеков.
Қаладағы тексеру кезінде карантинді сақтамаған біраз нысандар анықталған. Олар бойынша, тиісті іс қозғалған.
https://www.youtube.com/watch?time_continue=115&v=ge_pevYja8g&feature=emb_logo
Байланысты жаналықтар
MalimBlocks
