Кім өтірікші: Цой ма, Қожахметов пе?

Malim Админ

  • 04.09.2020

Денсаулық сақтау министрлігі коронавирус белгісі бар, бірақ ПТР тест нәтижесі теріс пневмонияның аймақтардағы көрсеткішін жариялаймыз дегелі бір айдың жүзі болды. Алайда бұл мәлімет coronovirus2020.kz сайтында сол бойы жарияланбады.

Бүгін өткен онлайн брифинг кезінде денсаулық сақтау министрлігінің өкілі Бағдат Қожахметов "коронавирусты пневмонияның аймақтардағы бөлінісі бойынша ақпарат бар, ол ашық түрде жарияланған" деді. Тіпті өзіне сұрақ қойған тілшіге "брифинг аяқталған соң хабарласып, қай жерде екенін көрсетіп жіберетінін" айтты.

Бірақ Бағдат Қожахметов бар деген аймақ бойынша коронавирусты пневмонияға шалдыққандар санын министрліктің сайтынан да, министрліктің coronovirus2020.kz сайтынан да таппадық.

Ал денсаулық сақтау министрі Алексей Цой аймақ бойынша пневмонияға шалдыққандар санын жариялаймыз деген уәдені 3 тамыз күні өткен брифингіде берген. "Біз аймақтар бойынша мәліметті сайтымызда жариялаймыз. Қазір қолымда ол статистика бар, бірақ бұл жерде цифр көп болғандықтан, оны жариялаймыз", - деді министр 3 тамыз күнгі брифингіде.

Қазақстан 1 тамыздан бастап коронавирус белгісі бар, бірақ ПТР тест нәтижесі теріс пневмония есебін жүргізе бастады. Дегенмен коронавирус бойынша мәлімет беретін министрліктің coronovirus2020.kz сайтында әлі күнге дейін коронавирусты пневмонияның жалпы статистикасы ғана берілген. 3 қыркүйек күнгі мәлімет бойынша, елде 1  тамыздан бері елде коронавирус пневмониясына шалдыққандар 26 803 адамға жеткен, 305 адам қайтыс болған, 5 831 адам жазылған.

Министр аймақ бойынша пневмонияға шалдыққандар саны туралы мәліметті беруге уәде етсе де, сөзінде тұрмады. Ал бұл деректің сайтта жарияланғанын айтып сендірмек болған ресми өкіл Бағдат Қожахметов бұл ақпаратты "сайттың қай жеріне тығып отырғаны" белгісіз.

Байланысты жаналықтар

Қарағандыда тағы екі бала ауруханаға түсті

01.08.2023

Kaspi.kz  Денсаулық сақтау және Цифрландыру министрлігі  анықтама алу сервисін іске қосты

27.09.2022

Маска режимі қайта оралуы мүмкін  

30.06.2022

Денсаулық сақтау министрі жаңа болжамын жариялады

12.01.2022

Жақын күндері “омикрон” келеді деп күтіп отырмыз - Бабақұмаров

23.12.2021

Денсаулық сақтау министрі міндетін атқару Бүркітбаевқа жүктелді

20.12.2021
MalimBlocks
Қарағандыда тағы екі бала ауруханаға түсті

Екі күннен бері ауруханаға уланып түсіп жатқан жетім балалар мен ата-анасы тастап кеткен балалар. 

Kaspi.kz  Денсаулық сақтау және Цифрландыру министрлігі  анықтама алу сервисін іске қосты

Kaspi.kz Цифрландыру министрлігімен және Денсаулық сақтау министрлігімен бірлесіп жаңа сервисті іске қосты.

Маска режимі қайта оралуы мүмкін  

Ауру жұқтырғандар саны тәулігіне 100 адамға дейін жетіп отыр

Денсаулық сақтау министрі жаңа болжамын жариялады

Жақын күндері “омикрон” келеді деп күтіп отырмыз - Бабақұмаров

Денсаулық сақтау министрі міндетін атқару Бүркітбаевқа жүктелді