Денсаулық сақтау министрлігінің хабарлауынша, Алматы облысында бір адамнан коронавирус табылған.
"1986 жылғы ер адам 17 наурызда Стамбул - Бішкек рейсімен Қырғызстанға ұшып барған. 18 наурыз күні көлікпен Алматы облысы Қарасай ауданы Қаскелең қаласына келген. Қазіргі кезде ол стационарлық карантинге жатқызылған. Жағдайы орташа", - деді денсаулық сақтау министрлігінің ресми өкілі Диас Ахметшәріп.
Министрлік бастапқыда коронавирус Талдықорғанда табылды деп хабарлап, кейінірек оны "Алматы облысы" деп өзгертті.
Сонымен, 21 наурыз сағат 13:00-дегі жағдай бойынша, коронавирус жұқтырғандар саны 53-ке жетті. Нұр-Сұлтан қаласында 28 адам, Алматы қаласында – 22 адам, Қарағанды қаласында – 2 адам және Алматы облысында 1 адам коронавирус жұқтырған.
Байланысты жаналықтар
MalimBlocks
