«Ноғаев мырза, су қайда?». Ақтаулықтар сусыз отыр

Олар амалдың жоқтығынан үйінің төбесіне әкімнің есімін жазып қойған

Malim Админ

  • 29.05.2023

Ақтаудағы ең өзекті мәселенің бірі ауыз судың жайы. Жаз келсе жыры бітпейтін жөндеу жұмыстары басталып, қаладағы шағын аудандарда судың болмауынан ақтаулықтар күн ұзақ сарылып күтуге мәжбүр. Амалы таусылған тұрғындар тиісті органдардан көмек сұрап та әбден шаршаған. Енді олар амалдың жоқтығынан облыс әкімі Ноғаевтың есімін үйдің төбесіне жазып, су мәселесін шешудің «басқа» жолын іздеуге көшті.

Ақтау қаласында 4-ші шағын ауданының тұрғындары бірнеше күннен бері ауыз судың жиі болмауына байланысты кімге шағым айтарын білмей отыр. Осыдан кейін тұрғындар үйдің төбесіне «Ноғаев мырза, су қайда?"  деп жазылған қағазды шағын аудандағы 5-ші үйдің төбесіне іліп қойды. Тұрғындар мұнымен тоқтамай, аталған шағын аудандағы 50-ші үйдің  де төбесіне осылай жазуға бекінгенін мәлімдеді.

Облыс әкіміне шағым айтқан тұрғындар телеграмдағы әкімдік парақшасында судың қашаннан бастап тұрақты берілетінін айтып, сұрап жатыр.

«Біздің үйдің тұрғындары сусыз отыр. Алайда өтінішімізге ешкім жауап бермейді, су қашан болады?»,- деген тұрғындардың сөзін өзге көршілері де растап отыр.

"Түнде техникалық су берді.  Үйде ешкім жуына алмайды, біз екі ай бойы басқа жаққа барып жуынудан басқа амалымыз қалмады. Ауыз суды сырттан тасып әкелеміз, жауаптылар бізді құрғақ уәдемен тойдырып келеді", - деп жазды тұрғындар облыс әкімдігінің телеграмдағы арнасында.

Алайда жауапты "КЖСА" МКК аталған мекенжай бойынша ауыз судан ажырату жағдайы болмағанын айтып отыр. Жауапты тарап комиссиялық тексеру жүргізіп, себебін анықтаймыз деп уәде берген.

Бұған дейін Ақтауда судың тоқтатыл жағдайы бірнеше рет қайталанды. Мұның себебін суға жауапты мекеме қаладағы кейбір шағын аудандардағы жөндеу жұмыстарымен түсіндірді. Ал жылда ауыз судың тоқтап қала беруі ақтаулықтарды әбден қажытты деуге болады. Оның үстіне қала аумағының жылдан жылға кеңейе түсуі де су тапшылығын тудырып отырғанға ұқсайды. Астрахан-Маңғыстау құбыры арқылы келетін тіршілік көзінің елеулі бөлігін мұнай кен орындары қажетіне алып отыр.

Байланысты жаналықтар

Ақтаулық спортшы қызды зорлап, өлтірді деген күдіктіге үкім шықты

05.03.2024

Алматы әкімдігі уәдесінен тайқыды

20.02.2024

АЛТЫН ӨНДІРЕТІН АУЫЛДЫҢ АХУАЛЫ АЛАҢДАТАДЫ

15.02.2024

Сарапшы: Суға сұраныс азаймайды

09.10.2023

Сусыз қалған астаналықтар көшені жауып тастады 

23.05.2023

Ақтаулық ақын «Өзенмұнайгазға» заңсыз жұмысқа тұрған

28.04.2023
MalimBlocks
Ақтаулық спортшы қызды зорлап, өлтірді деген күдіктіге үкім шықты

Валерияның туыстарының айтуынша, айыпталушы өз кінәсін мойындамаған.

Алматы әкімдігі уәдесінен тайқыды

Кеше халықпен кездесу өтуі керек еді

АЛТЫН ӨНДІРЕТІН АУЫЛДЫҢ АХУАЛЫ АЛАҢДАТАДЫ

Бестөбеліктердің тыныс-тіршілігін мұндағы «Алтын алмас» компаниясы иелік ететін кеніштен бөліп қарау қиын

Сарапшы: Суға сұраныс азаймайды

Мeмлeкeт мұны бiр cәт ecтeн шығaрмaуға тиic

Сусыз қалған астаналықтар көшені жауып тастады 

Олар амалсыздан осындай әрекетке барып отыр

Ақтаулық ақын «Өзенмұнайгазға» заңсыз жұмысқа тұрған

Ол кезекте тұрған 9000 адамнан аттап өткен