Қазақстандағы 217 елдімекен су басу қаупі бар аймақта орналасқан
Жыл басынан бері 10 өңірде су басу оқиғасы болған.
Қазақстандағы 217 елдімекен су басу қаупі бар аймақта орналасқан, деп хабарлайды Төтенше жағдайлар министрлігінің баспасөз қызметі.
«Наурыздың бірінші онкүндігінде елдің шығыс және оңтүстік аймағында бір мезгілде қатты жауын-шашын жауып, ауа температурасы көтерілді. Ел аумағын қармен жабу ауданы 72 пайыздан 61 пайызға дейін төмендеді. Су басу қаупі бар аймақта тәуекелді бағалау критерийлеріне сәйкес 217 елдімекен орналасқан», - деді ТЖМ Төтенше жағдайларды жою департаментінің бастығының м.а.
Сондай-ақ, жыл басынан бері 10 өңірде су басу оқиғасы болған.
«Шымкент қаласында 2 тұрғын үйді және Шығыс Қазақстан облысының Риддер қаласында 28 саяжай үйді су басты. Сондай-ақ, Абай, Атырау, Алматы, Жамбыл, Жетісу, Шығыс Қазақстан, Қарағанды, Маңғыстау, Түркістан облыстарындағы тұрғын үйлердің ауласын су басу фактілері тіркелді», - деді Жомарт Асқаров ОКҚ алаңында өткен баспасөз конференциясында.
Сонымен қатар, автомобиль жолдарында 10 учаскені су басты.
Ал, «Қазгидромет» мамандарының болжамы бойынша наурыз айының соңына қарай ауа температурасының фоны көтеріліп, салдарынан қар еріп, су басу қаупіне әкеледі. Сонымен қатар РФ шекаралас аймақтарға, атап айтқанда, Жайық өзені мен оның салаларына, Тобылдың алаптарына ерекше назар аудару қажет.
Фото: ТЖМ
Байланысты жаналықтар
MalimBlocks
