Сценарий авторы – Цой. Жанр: Локдаун
Денсаулық сақтау министрі Алексей Цой елдегі эпидемиологиялық жағдайға байланысты үш сценарийі бар деді. Екеуінде ұлттық локдаун қарастырылған (Төтенше жағдайға байланысты белгілі бір аймақтан еркін кіруге немесе шығуға тыйым салу).
Бірінші сценарий бойынша карантинсіз тамыз айының соңына қарай күніне 27 мың коронавирус жұқтырған науқас тіркеледі. Инфекциялық және провизорлық стационарларда орындарға деген қажеттілік 300 мың адамға жетеді.
Екінші сценарий - екі апталық ұлттық локдаун. Бұл кезде ауруханаға жатқызуды талап ететін күніне жеті мың адам тіркелетін болады.
Үшінші сценарий - төрт апталық локдаун. Онда тамыз айының соңында ауруханаға жататын күніне 2500 оқиға тіркеліп, төсек қажеттілігі 30 мыңға дейін өседі. "Қазіргі уақытта осы сценарий тиімді деп ойлаймын", - деді Алексей Цой.
Самое читаемое
