Шетелдіктерге ЖСН беру тәртібі өзгерді
Енді шетелдіктер Мемлекеттік корпорациясына барып, өтініш береді.
Ішкі істер министрлігінің 2024 жылғы 29 ақпандағы бұйрығымен «Қазақстан Республикасында уақытша болатын шетелдіктер мен азаматтығы жоқ адамдарға жеке сәйкестендіру нөмірін жасау және түзету» мемлекеттік қызмет көрсету Ережесіне енгізілетін өзгерістер бекітілді.
Ережеге сәйкес, енді шетелдіктер немесе азаматтығы жоқ адамдар ЖСН рәсімдеу үшін тұрғылықты жері бойынша Мемлекеттік корпорациясына барып, өтініш береді. Ал бұған дейін ЖСН алу үшін Мемлекеттік корпорацияға да, электронды үкімет порталы арқылы да өтініш беруге болатын еді.
Сондай-ақ, ЖСН берілмейтін жағдай да қарастырылған. Мысалы, құжаттағы дерек дұрыс болмаса, өтініш беруші мемлекеттік қызметтерді көрсету үшін қажетті жеке деректерін беруге келіспеген жағдайда берілмейді.
Фото: ашық дереккөзден
