"СҚ-Фармация" басшысы Ерхат Есқалиев елде төтенше жағдай болған кезде, сәйуір айында Instagram әлеуметтік желісіндегі парақшасына Ксения Собчак және әйелімен бірге банкетте түскен фотосын жариялаған.
Vlast порталының журналисі бүгін өткен онлайн брифинг кезінде Ерхат Есқалиевтен "елдің бәрі төтенше жағдайда үйде отырғанда, банкеттен түсірілген фотоны жариялағаныңыз қалай? Артынша Инстаграмдағы парақшаңыз жойылды" деп сұрақ қойды.
Бұған Ерхат Есқалиев бұл фото 7 жыл бұрын түсірілгенін айтты. "Ол уақытта салмағым 135 келі еді, қазір 105 келі. Былтыр күрделі ота жасаттым. Фото карантинде жарияланды, ол уақытта үйде отырдық. Фото іс-шарада түсірілген. Танымал адаммен суретке түссем деген ниет қана болды", - деді Е.Есқалиев.
