Бүгінгі Үкімет отырысында биылғы жылдың I тоқсандағы әлеуметтік-экономикалық дамудың негізгі көрсеткіштері баяндалды. Онда Шымкент қаласында атқарылып жатқан шараларға оң баға берілді. Мәселен,
Ұлттық экономика министрі Әсет Ерғалиев Шымкент қаласында ауылшаруашылығы, инвестиция тарту, құрылыс, тұрғын үйді пайдалануға беру көрсеткіштерінде қарқынды өсу бар деді.
–Өнеркәсіп нысандарын салу мен өндіріс құрылғыларын дамыту іс-шаралары есебінен Шымкент қаласында өсу байқалады. Бұл бағытта Шымкент қаласы екінші орында келеді. Яғни, өткен жылмен салыстырғанда 45,8 пайызға өскен. Биыл қаңтар-наурыз айында тұрғын үйді пайдалануға беру бойынша ең үздік көрсеткіш (5,9 пайыз) Шымкент қаласында байқалды, – деді Ұлттық экономика министрі.
Сонымен қатар, ауыл шаруашылығы секторы бойынша да Шымкент қаласы екінші орында (5,5 пайыз) келеді.
