Қостанай облысында 20 миллион теңгеге демалатын орны бар биодәретхана салынбақ.
Alau.kz мәліметінше, биотуалет Қостанай-Қарабұтақ тасжолында Алчановка ауылына жақын жерге салынбақ. Көлемі 40 шаршы метр дәретхана құрылысына 20 миллион теңге жұмсау жоспарлануда. Әжетханада демалатын бөлме, wi-fi, ұялы телефон байланысы, бейне бақылау камерасы болады.
«Қазавтожол» ҚФ директорының орынбасары Хамза Сұлтановтың сөзінше, көпшілік туалет құрылысына бөлінетін 20 миллион теңге қаржыға үреймен қарайды. Оған түсіністікпен қарау керек. Себебі қажет құрылыс материалдарының барлығы Алматыдан әкелінеді.
«Көпшілікті «неге 20 миллион теңге?» деген сұрақ үрейлендіреді. Түсіністік болса екен дейміз. Алматыдан әкелу, подстанция құрылысы, іргетасын дайындау, құрылғылар – вандализмге қарсы ұялы байланыс, бейне бақылау, телефон 24/7. Панно ақпараттық болады. Сомма жайдан-жай белгіленген жоқ», - дейді Сұлтанов.
Соңғы уақыттары Қазақстанда дәретхана төңірегінде дау жиі шығатын болды. Осыдан біраз уақыт бұрын Алматыдағы Әл-Фараби атындағы Қазақ ұлттық университеті әрқайсысы 11 миллион теңге тұратын екі биотуалет сатып алмақ болған. Бірақ БАҚ пен әлеуметтік желідегі талқылаулардан кейін, ол бастамасынан бас тартқан.
Оқи отырыңыздар: Түймебаевтың әжетханасы қанша миллион тұрады?
MalimBlocks
