Жақсылық жасап жарысайық!

Қызылорда облысының Полиция департаменті қайырымдылық шараларын өткізуге ерекше ден қояды. «Жақсылық жасап жарысуды» дағдыға айналдырған сақшылардың үлгілі істері көп-ақ.

  • 04.12.2023

Мәселен, Жергілікті полиция басқармасы әріптестерін игілікті шараға ұйымдастырып, қарттарға, мүгедектерге психологиялық-әлеуметтік көмек көрсету мақсатында облыс көлемінде «Қарттарды мейірімге бөлейік!» атты қайырымдылық акциясын өткізді. «Мейірімділік үйіндегі» қарттар мен мүмкіндігі шектеулі жандарға арнайы келген полиция қызметкерлері құқықтық кеңес беріп, азаматтар сауалдарына жауап беріп, жол сілтеді.

Жергілікті полиция қызметі басқармасы бастығының орынбасары Дәурен Майрихов қатысушыларға қайырымдылық акциясының мақсаты мен маңызын түсіндіріп, «Мейірімділік үйінде» қызмет алушыларға, соғыс және тыл ардагерлеріне сый-сияпат тапсырды. Полиция қызметкерлері қарттарда қандай да заңдық, құқықтық мәселе туындағанда көмек көрсетуге дайын екенін атап өтті.

Сондай-ақ, қызылордалық сақшылар еміне шипа іздеген сырқаттарға қан беріп, донор болуда да көш басында келеді. Қызылорда қалалық Полиция басқармасының бастығы Ермек Искаков бастаған 100-ден астам полиция  қызметкері жақында ерікті донор ретінде қан тапсырды. Құқық қорғау органы қызметкерлері ұйымдастыратын мұндай қайырымдылық акциясы жыл сайын өтетінінен жұртшылық хабардар. Соның арқасында сақшылар арасында тұрақты донор боп жүрген көптеген қызметкерлер бар. 7 жыл бойы қан тапсырып келе жатқан полиция капитаны Азат Дәулетов сондай елге қол ұшын созуға әзір ынталы жанның бірі.

Азаттың өзі жеті жыл ішінде ағзасының қан тапсыруға үйренгенін айтты. «Бір тамшы қан бір адамға өмір сыйлайды. Ендеше қайырымдылық акциясына барша қызылордалықтарды қатысуға шақырамын!» дейді жүрегі кең полицей.

Ермек Бердалыұлы: «Әр сақшының жұмысы қауіп-қатерге толы. Төтенше жағдай, қылмыспен күнделікті бетпе-бет келген соң сақшылар адамдарға уақытында көмек көрсетудің қаншалықты маңызды екенін жақсы біледі. Содан болар, полиция қызметкерлерінің арасында ерікті донор болуға ынталылар саны жыл сайын артып келеді» дейді.

Халықпен етене жұмыс істейтіндіктен полиция қызметкерлеріне әрбір отбасының әлеуметтік, тұрмыстық жағдайы жақсы таныс. Шиеттей баласымен ішер асқа жетпей отырған жанұяға полицейлер талай рет қалтасындағы соңғы тиынға нан алып берген, көмір әкеп үйін жылытып берген кездер көп болған. Әсіресе учаскелік полицейлер мұндай қолайсыз, шарасыз отбасыларды құзырлы органдар назарына салып, өздері де қайырымдылық жасаудан сырт қалмай жүр. Айталық, Қазалы ауданының полиция қызметкерлері көпбалалы отбасыларды азық-түлікпен қамтамасыз етуді дәстүрге айналдырған. Дүкендерде нанды тегін таратуға да бастамашы болып жүрген осы полицейлер.

«Өмір тақтайдай түзу болмайды. Қысылғанды демеп, қиналған жандарға қол ұшын созу адами борышымыз. Соның ішінде халықтың санын көбейтіп отырған көпбалалы отбасылар көмекке мұқтаж. Біз ұжым болып осындай отбасыларға азық-түлік, шаруашылыққа қажет заттарды алып беруді мақсат етіп отырмыз. Бұл жақсы үрдіс алдағы уақытта да  жалғасын табатрына сенімдімін», – дейді Қазалы аудандық ПБ бастығы Айбек Алиев.

Ал  «Жылы жүрек – жомарт қол» атты акция барысында Жалағаш аудандық полиция қызметкерлері психологиялық-педагогикалық түзету мекемесінде оқитын балалардың отбасына қайырымдылық жасап, күнделікті тұрмысқа қажетті заттарды табыс етсе, Әкімшілік полиция басқармасының қызметкерлері Қызылорда қаласындағы №5 көзі нашар көретін балалардың арнаулы мектеп-интернатына барып, өмірден қағажу көрген бүлдіршіндерге ойыншықтар мен сыйлықтар тарту етті. Мерекелік көңіл-күй сыйлаған тәртіп сақшыларына балалар дән риза.

Қазақ халқында «Қайырымдылық жасасаң, қайырын өзің көресің» деген тағылымды тіркес бар. Айналаңа жүрек жылуын ұсыну, аялы алақанын тосып, қамқоршысы болу – сауапты істердің бірі, әр адамның азаматтық парызы. Әрбір жасалған істе ізгілік бар. Соны түсінген қызылордалық полицейлер жыл сайын балалар күні мен білім күнінде бұлдіршіндерге сыйлық жасап қуантуды дағдыға айналдырған. «Мектепке жол» қайырымдылық акциясы кезінде полицейлерден сыйлық алған, оқу құралдарын иеленген бүлдіршіндер көп-ақ. Бұл а​кцияның түпкі мақсаты аз қамтылған және көп балалы отбасыларды, жетім балалар мен ата-анасының қамқорлығынсыз қалған балаларды жаңа оқу жылына дайындау, балалардың мектепке бармауының алдын алу болып табылады.

Жақсылық жасап жарысқан сақшылардың ісі көпке үлгі боларлық.

Байланысты жаналықтар

Қайырымды жандар қандай марапатқа да лайық

07.12.2023

Қазақстан – еріктілер елі

05.12.2023

Ерікті жастар айналасына көмек беруге әзір

05.12.2023

Елге болсын деген еріктілер

15.11.2023

Жақсылық жасағысы келетін жастар көп

07.11.2023

Соғыстың 100-күні: Қазақстан Украинаға қалай көмектесіп жатыр?

03.06.2022
MalimBlocks
Қайырымды жандар қандай марапатқа да лайық

Қазақ арнайы заң, құқықтық құжатсыз-ақ қайырымдылық жасауды жолға қойған, жүрегі кең халық. Дала заңдарындағы жетім-жесірдің мүддесін қорғауды көздейтін баптар ізгілік әліппесінің отбасындағы тәрбиеден бастау алатынын көрсетеді.

Қазақстан – еріктілер елі

Әлемдегі ешбір мемлекет төтенше жағдайдан, аяқ асты орын алатын апат пен сыннан сақтандырылмаған. Сын сағаттан сүрінбей өту – елдегі экономикалық жағдай мен халықтың әлеуметтік ахуалына тікелей байланысты.

Ерікті жастар айналасына көмек беруге әзір

5 желтоқсан –  «Халықаралық еріктілер» күні. Осы мерекелік датаны еліміздің жоғары оқу орындарындағы студент-волонтерлар ерекше атап өтті.

Елге болсын деген еріктілер

Астана бойынша 20-ға тарта волонтерлік ұйым  тіркелген

Жақсылық жасағысы келетін жастар көп

Жақсылық жасап жарысып жатқандар қатарында жастардың көптігі қуантады. Әсіресе, жоғары оқу орындарында студенттерден құралған еріктілер командасы көптеген игілікті істің басы-қасында жүр.

Соғыстың 100-күні: Қазақстан Украинаға қалай көмектесіп жатыр?

Бүгін Ресей Украина аумағына басып кіргеніне 100 күн толды. Осы орайда Қазақстаннан Украинаға көмек жинап жүрген Алматыдағы көмек көрсету штабының жетекшісі Настя Байбуламен тілдесіп қайттық.