Жас депутаттар, жас әкімдер сайланып жатыр

Ел Президенті Қасым-Жомарт Тоқаевтың Ата Заңға өзгерістерді бүкіл халықтың талқысына шығаруы – ел болып қолдауға лайықты іс. Халқымен ақылдасатын биліктің аты озады. Бұл әрбір азаматтың жан дүниесін түлетіп, мерейін өсіріп, рухын көтереді. Жаңа Қазақстанды құрудың алғашқы қадамын референдумнан бастау арқылы Президент енді әр қазақстандықтың пікірі маңызды екенін айтты.

Қазақстандағы республикалық референдум 2022 жылғы 5 маусымда Мемлекет басшысы Қасым-Жомарт Тоқаевтың жарлығына сәйкес Қазақстан Республикасының Конституциясына өзгерістер мен толықтырулар енгізу бойынша өтті. Осы арқылы былтыр өзгертулер енгізілді. Ол халықтың дамуына өз үлесін қосып жатыр.

«Қазақстан Республикасындағы сайлау туралы» конституциялық заңда және «Саяси партиялар туралы» заңда қарастырылған ережелер бойынша парламенттік тәжірибемізде алғаш рет партиялық тізімге әйелдер мен жастар үшін 30 пайыздық квота енгізілді. Бұл норма Парламентке және жергілікті өкілді органдарға әйелдер мен жастарды тартудың тиімді жолы ретінде олардың еліміздегі қоғамдық-саяси үдерістерге белсенді қатысуына септігін тигізді. Жас депутаттар, жас әкімдер сайланып жатыр. Мен «Арыс гуманитарлы-техникалық колледж» мекемесінде өзін - өзі басқару ұйымының президентімін. Бізде көптеген іс-шаралар жоғары деңгейде өтеді. Орта арнаулы оқу орындарының студенттерінің белсенді болуы біз үшін керемет мүмкіндік. Өз ойларын ортаға салу, қоғамдағы істерге пікірін білдіру арқылы болашақ ұрпақтың санасы жетіле түсді. Сол себепті де колледж студенттерінің белсенді болғанын қалаймыз және сол үшін колледжаралық сайыстар мен байқаулар ұйымдастырамыз. Мемлекет, қоғам ісіне бей-жай қарамайтын ерікті жастар өсіп келеді.

Назира Күндебек,

ерікті,

Түркістан облысы