Головкин 25 млн теңге жалақы алмайды – ҰОК
ҰОК желіде тараған ақпаратқа жауап берді
![](/images/article-img/1600/23244-1720947185-m.jpg)
Қазақстан Ұлттық Олимпиада комитеті әлеуметтік желіде айтылған комитет президенті Геннадий Головкиннің жалақысына қатысты ақпараттың шындыққа жанаспайтынын мәлімдеді, деп хабарлайды Malim.kz.
ҰОК мәлімдеуінше, Геннадий Головкин президенттік қызметті ерікті негізінде атқарады, яғни, оның қызметіне ақша төленбейді. Оның мотивациясының қаражатқа да, саяси мансапқа да қатысы жоқ.
Оның жұмысы қазақстандық спортқа қолдау көрсетуге, сондай-ақ, Қазақстан ҰОК-тің халықаралық спорттық қоғамдастық алдындағы беделін нығайтуға бағытталған. Өз қызметіне кіріскен бойда Геннадий Головкин ҰОК-тің мемлекет бюджеті ақшасына үміттенбейтінін ашық айтқан. Ұйымның қызметі Г. Головкиннің қатысуымен тартылған демеушілер қаражаты есебінен жүзеге асып жаытыр, деп жазды ҰОК.
Ал жалған ақпарат таратушылар заңға сәйкес жауапқа тартылатынын, нақтылап айтқанда, ҚК 274 бабына сай қылмыстық жауапкершілікке тартылатынын еске салған.
Айта кетейік, бокстан Афины – 2004 Олимпиадасының чемпионы Бақтияр Артаев әлеуметтік желідегі сұхбатында Геннадий Головкиннің жалақысына қатысты «нақты білмеймін. Бірақ 20-25 миллион теңге көлемінде жалақы алады деп естідім» деген еді.
Фото: ҰОК
MalimBlocks
![](/images/article-img/600/24146-1724225165.jpeg)