Бүгін тағы бір боксшымыз Токио Олимпиадасын аяқтады. Рио Олимпиадасының күміс жүлдегері Василий ЛЕВИТ бірінші жекпе-жекте жеңіліп қалды.
91 келіде өнер көрсететін Қостанай қаласының тумасы Левит Испания намысын қорғайтын кубалық Эммануэль РЕЙСКЕ қарсы шыққан еді.
Кездесудің бірінші раунды 3:2 есебімен қарсылас пайдасына аяқталды. Ал екінші раундтың басында қарсыласының ауыр соққысын өткізіп алған Левитке төрешілер техникалық нокаут жазды.
Жекпе-жек мерзімінен бұрын аяқталып, Испания боксшысы келесі айналымға өтті.
33 жастағы Левит ұлттық құрамадағы ең тәжірбиелі боксшы. Үш дүркін Азия чемпионы, екі мәрте әлем біріншілігінің қола жүлдегері атанған. Рио олимпиадасының вице-чемпионы.
