«Не істеп шұбырып жүрсіңдер?!»: Бақыт Сәрсекбаев Олимпиадаға қатысып жатқан боксшыларды сынап тастады
Бұл туралы ол facebook парақшасында жазды.
Азия және Олимпиада ойындарының чемпионы, боксшы Бақыт Сәрсекбаев facebook-парақшасында Париж Олимпиадасына қатысып жатқан боксшылардың өнеріне көңілі толмайтынын білдіріп, сынап тастады, деп хабарлайды Malim.kz.
Оның айтуынша, біздің спортшылар физикалық тұрғыда өте нашар.
...Екінші раундта демалыстары қиындап, әрең жүр рингте. Ударлары аз. Комбинация ударов тіпті аз. 3 минутта қанша удар жаудыруға болады?! Физикасымен айналысуға арнайы шақыртылған кубалық маман қайда қарап жүр? Целая научная группа қайда? Неге біздің боксерлар демі жетіспей жүр? Үш раунд аяқта тұра алмайды. Не істеп жүрсіңдер шұбырып бәрің? Бірінші бойдан өте алмады деген не сұмдық???
Бір сұрақ: әрбір боксер лицензия алғаннан Олимпиадаға дейін неше бой өткізді? Практика бар ма? Мысалы, мен жарты жылда 22 бой өткіздім.
Бас бапкерге айтатын сөзім жоқ тіпті... - дейді чемпион Бақыт Серсекбаев.
Фото: интернеттен
