«Осылай аяқталғаны өкінішті»: Қазақстандық боксшы қыз төрешілердің шешіміне қарсылық білдірді
Боксшы Валентина Хальзова Олимпиададағы алғашқы жекпе-жекте ұтылды.
Бокстан 75 келі салмақта сынға түскен Валентина Хальзова алғашқы айналымдағы жеңілісінің себебін түсіндірді, деп хабарлайды Malim.kz.
«Екі раунд алда тұрдым. Үшінші кезеңде де есепте алда болдым деп ойлаймын. Маған солай көрінді. Төрешілік туралы ештеңе айта алмаймын. Солай болуы керек шығар. Қарсыласым Олимпиаданың екі дүркін жүлдегері. Өте тәжірибелі спортшы», - деді Хальзова.
Боксшы алғашқы екі раундқа қарағанда үшінші раундта әлдеқайда дәлірек болғанын айтады.
«Қойылған тактиканың 60 пайызын орындадым. Соққыларын күтіп ала бастадым. Екінші раундтың басында ол мені басымен соқты. Содан соң, екі раунд бойы демала алмай, капа арқылы демалуға тырыстым. Төрешілік туралы не айтамын? Төбелестен соң жұдырық жұмсамайды. Әрине, өкінішті. Қаншама жұмыс істеліп, бәрінің осылай аяқталғаны... Мен осы Олимпиадада Қазақстан әнұраны шырқалады деп сенемін», - деді Хальзова.
Айта кетелік, Валентина Хальзова панамалық спортшыға есе жіберді.
Фото: Владислав Семенов
MalimBlocks
Даңқты палуан Жақсылық Үшкемпіров
Жақсылық Үшкемпіров 1951 жылы 6 мамырда Жамбыл облысында дүниеге келген. 2020 жылы Алматыда қайтыс болды. Қазақтан шыққан тұңғыш Олимпиада чемпионы, грек-рим күресінен Әлем чемпионы, екі дүркін Кеңес Одағының чемпионы, I дәрежедегі «Құрмет» және «Барыс» орденінің иегері.
