Париж олимпиадасы: Демеу Жадыраевтың алғашқы қарсыласы кім?
5 тамызда Айдос Сұлтанғали алғашқы белдесуінде Қырғызстан мықтысы Жоламан Шаршанбековке есе жіберді
Париж Олимпиадасында грек-рим күресінен қазақстандық спортшы Демеу Жадыраевтың қарсыласы белгілі болды.
77 келі салмақта жерлесіміз алғашқы айналымда эквадорлық Джейр Куеромен белдеседі. Бұл жұптың жеңімпазы шамамен Токио Олимпиадасының күміс жүлдегері, 2 дүркін әлем чемпионы Ақжол Махмұдовпен кездесіп қалуы әбден мүмкін.
Айта кетсек, грек-рим күресінен ел құрамасында Демеуден басқа Айдос Сұлтанғали (60 келі), Әлімжан Сыздықов (130 келі), Нұрсұлтан Тұрсынов (87 келі) бар.
5 тамызда Айдос Сұлтанғали алғашқы белдесуінде Қырғызстан мықтысы Жоламан Шаршанбековке есе жіберді.
Ал Әлімжан Сыздықов алдымен румыниялық Алин Алексус-Циурариуден басым түсіп, одан кейін әзербайжандық Сабах Шариатиден ұтылды.
Сондай-ақ Париж Олимпиадасында еркін күрестен Азамат Дәулетбеков (86 келі), Әлішер Ерғали (97 келі) және Юсуп Батырмырзаев (125 келі) ел намысын қорғайды.
Күрес түрлерінен жарыстар 5-11 тамыз аралығында өтеді.
