Париж Олимпиадасында қазақ елін алтын жүлдемен қуантуға тырысамыз – Нұрбек Оралбай

Кейіпкеріміз спорттық жарыстардан, оқу-жаттығу жиындарынан қолы босай қалғанда, бос уақытын отбасына арнап, ата-анасының, бауырларының жанында болғанды ұнатады.

Malim Админ

  • 05.06.2024

Төрт жылдықтың басты додасы – Париж Олимпиадасының басталуына санаулы айлар қалды. Қазіргі таңда ұлттық құрама спортшылары Олимпиадаға жолдама беретін лицензиялық турнирлер мен рейтингтік додаларға қатысып, ұлттық құрама қоржынын мейлінше көп жолдамамен толықтыруға бар күш-жігерін салып жатыр. Ал Париждегі осы жылдың басты бәсекесіне лицензия алып қойған отандастарымыз жеке бағдарлама бойынша шеберліктерін шыңдап, маңызды жарысқа тыңғылықты дайындалуда.  

Ұлттық құрама сапынан Париж Олимпиадасына лицензия жеңіп алған спортшының бірі – боксшы Нұрбек Оралбай. 80 кг салмақ дәрежесінде сынға түсетін отандасымыз Париж Олимпиадасының жолдамасын биыл Италияның Бусто-Арсицио қаласында өткен әлемдік іріктеу кезеңінде жеңіп алды.  

Нұрбек Италиядағы лицензиялық турнир өзі үшін де, ұлттық құрама үшін де өте сәтті өтті деп есептейді.  

Апеннин түбегіндегі турнирге алты боксшы барып, соның бесеуі жолдамаға қол жеткізді. Бұл – біз үшін жақсы нәтиже. Әрине, іріктеу жарысы болған соң, турнирге қатысқан барлық боксшының мақсаты – Олимпиада жолдамасын жеңіп алу болды ғой. Сондықтан барлығымызға жекпе-жектер оңай болған жоқ. Менің салмағымда 62 боксшы жұдырықтасып, соның төртеуіне жолдама бұйырды. Енді біз үшін маңызды кезең басталды. Олимпиадаға жоғары дайындықпен барып, қазақ елін алтын жүлдемен қуантуға тырысамыз, - дейді боксшы.

2000 жылы 11 маусымда туған Нұрбек Оралбай боксқа кездейсоқ келген. Әуелде әкесі Нұрбекті күрес үйірмесіне бергісі келген екен.

Әкем сыңарым Айбек екеумізді Астанадағы «Алатау» спорт кешеніне ертіп апарды. Ондағы ойы – күреске беру еді. Алдымыздан кездейсоқ Асқар Еркебаев есімді жаттықтырушы жолықты. Ол кісі: «Мен бұрыннан осындай егіз балаларды боксқа баулып, соларды чемпион етіп тәрбиелеп шығаруды мақсат тұтып жүр едім» деп айтып қалды. Сөйтіп, әкем қазіргі бапкеріме өз рұқсатын берді. Осылайша, бокс залынан бір-ақ шықтық, - дейді әлем чемпионы.

Ұлттық құраманың бас бапкері Мырзағали Айтжанов шәкірті туралы пікір білдірді. 

80 кг салмақтағы әлем чемпионы Нұрбек Оралбайдың боксқа келгендегі өз мақсаты бар. Сол мақсатына жету үшін тынбай еңбек етуде. Нұрбектің бір артықшылығы – ол қарсыласқа өте ыңғайсыз боксшы. Сол себепті Нұрбек – осы Олимпиадада медаль күтетін жігіттеріміздің бірі, - деді ол.

Боксшы өзінің басты жанкүйері – отбасы екенін айтады. Әр жарыста Нұрбектің ата-анасы баласы үшін тақым қысып, кейде экранның бергі бетінде, кейде ринг сыртында қолдау білдіреді.

Өздеріңізге белгілі, былтыр Өзбекстан астанасы – Ташкентте өткен әлем чемпионатына ата-анамыз біз үшін барып, қолдауларын көрсетті. Ата-анамыздың біздің жанымызда болуы, қолдау көрсетуі қосымша күш береді, сенімділігімізді арттырады. Біз де ата-анамызды, қолдап отырған жанкүйерлерді қуанту үшін әр жекпе-жекте, жарыстарда жеңіске жетуге тырысамыз, - дейді Нұрбек Оралбай.

Кейіпкеріміз спорттық жарыстардан, оқу-жаттығу жиындарынан қолы босай қалғанда, бос уақытын отбасына арнап, ата-анасының, бауырларының жанында болғанды ұнатады.

Фото: Астана қаласы әкімдігі

Байланысты жаналықтар

Танымал актер «Орда» тобының құрылуына себеп болғанын айтты

03.04.2025

Бокстан Бакуде өтетін турнирге қатысатын спортшылар белгілі болды

02.04.2025

Ол жақында өледі, мұнымен бәрі бітеді - Зеленский Путин туралы

27.03.2025

2028 жылғы Олимпиадада бокстың тағдыры қалай болмақ?

18.03.2025

Назым Қызайбай мен Алуа Балқыбекова бокстан әлем чемпионы атанды

16.03.2025

Гүлзира Айдарбекова: Қазір бұрынғы 50 досымнан бір-екеуі ғана қалды

15.03.2025
MalimBlocks
Танымал актер «Орда» тобының құрылуына себеп болғанын айтты

Топтың құрылғанына 25 жылдай болды.

Бокстан Бакуде өтетін турнирге қатысатын спортшылар белгілі болды

Отандастарымыз Әзірбайжанда жаттығу өткізіп жатыр

Ол жақында өледі, мұнымен бәрі бітеді - Зеленский Путин туралы

Украина президенті Владимир Зеленский Ресей президенті Владимир Путиннің мақсаттары мен қорқыныштары туралы айтты

2028 жылғы Олимпиадада бокстың тағдыры қалай болмақ?

2022 жылғы ақпанда бекітілген Олимпиада спорт түрлерінің тізіміне бокс енгізілмеген

Назым Қызайбай мен Алуа Балқыбекова бокстан әлем чемпионы атанды

Гүлзира Айдарбекова: Қазір бұрынғы 50 досымнан бір-екеуі ғана қалды