Қазақстан боксшылары Ташкентте 4 алтын иеленді
Ташкентте бокстан өткен әлем чемпиоатында Қазақстан ұлттық құрамасы жалпы есепте үздік нәтиже көрсетті. Қазақ боксшылары арасында соңғы болып шаршы алаңға шыққан Нұрбек Оралбай финалда жеңіске жетіп, құрама қоржынына төртінші алтынды салды.
80 келіге дейін салмақ дәрежесінде Нұрбек Оралбай Қытай атынан шыққан этникалық қазақ Тоқтарбек Таңатқанды ұтты. Отандасымыз 3 раунд бойы тоқтаусыз шабуылдап, нәтижесінде чемпион атанды.
Ташкентте мәресіне жеткен біріншілікке Қазақстан құрамасынан 13 боксшы барған еді. Олардың 8-і іріктеу кезеңдерінде сүрініп, финалға тек 5 боксшы ғана шықты.
Бұған дейін 48 келіде Санжар Тәшкенбай, 54 келіде Махмұд Сабырхан, 71 келіде Ұлттық құрама капитаны Асланбек Шымбергенов әлем чемпионы атанса, 67 келіде тараздық Дулат Бекбауов күміс жүлдеге қол жеткізді.
Қазақстан құрамасы әлем чемпионатын жалпы командалық есепте Өзбекстаннан кейін екінші орынға тұрақтады.
Самое читаемое
