Қазақстандық құтқарушы Қытайда ережесіз жекпе жектен чемпион болды
Спортшылар арасындағы бәсекелестік жоғары болды
18 қаңтарда Қытайдың Люйлянда қаласында жергілікті JCK Kings 007 лигасының ММА жекпе-жек турнирі өтті,-деп хабарлайды Malim.kz.
Төтенше жағдайлар министрлігінің мәліметінше, аталған іс-шарада бұрын-соңды жеңіліс таппаған қазақстандық Көшен Ақанов (5-0) Kubulan Tursynbek-пен (15-12) жекпе-жек өткізді.
Бұл жекпе-жек бойынша хабарламаны 27 жастағы Ақанов аз уақыт ішінде қабылдады. Бастапқыда ол 17 қаңтарда Кувейтте өтетін жекпе-жекке шығуы керек еді. Алайда жекпе-жек қарсыласының жарақат алуына байланысты тоқтатылды.
Спортшылар арасындағы бәсекелестік жоғары болды. Алайда бұл турнирде елордалық құтқарушы Көшен Ақанов қарсыласынан мықты болып, чемпион атағына ие болды.
Фото: видеодан скрин
