Шавхат Рахмонов желтоқсанда Біләл Мұхаммедпен жекпе-жекке шығатын болды
Оны жеңсе Қазақстаннан шыққан алғашқы UFC чемпионы атанбақ
Шавхат Рахмонов 8 желтоқсанда UFC-де жартылай орта салмақтағы чемпион атағы үшін Біләл Мұхаммедпен торға шығады, деп хабарлайды Malim.kz.
Бұл туралы әлемдік ұйым басшысы Дана Уайт әлеуметтік желіде хабарлады. Оның айтуынша, жекпе-жек АҚШ-тың Лас-Вегас қаласында өтпек.
Ол элиталық күреске сүйене отырып, титулын алғаш рет қорғауға ниетті. Шавхат та жеңілмеген және барлық 18 жекпе-жегінде мерзімінен бұрын жеңіске жеткен. Оның жартысын бірінші раундта аяқтаған. Шавхат тэйкдауннан керемет қорғанады. Барлық жекпе-жегінде уақытының жартысына жуығын төменгі позицияда өткізген. Бұл әртүрлі стильдер арасындағы керемет жекпе-жек болғалы тұр. Біләл өз атағын ұстап тұра ала ма, әлде Қазақстаннан алғашқы UFC чемпионы шыға ма?, дейді Дана Уайт.
Айта кетейік, Біләл Мұхаммед соңғы рет 2019 жылдың 13 сәуірінде Нил Джеффтен жеңілгеннен бері бүгінге дейін 11 жекпе-жек өткізіп, бәрін жеңді (біреуінде төбелес тоқтатылды).
Ал Шавхат үшін бұл беделді ұйым аясындағы 7 жекпе-жегі болмақ. Соңғы рет былтыр 16 желтоқсанда америкалық Стив Томпсонды қылқындырып тастаған болатын.
Фото: Instagram/ufceurasia
Байланысты жаналықтар
MalimBlocks
