Еліміздің даңқты боксері, кәсіпқой боксшы Жәнібек Әлімханұлының келесі қарсыласы белгілі болды. Екеуінің кездесуі Астана қаласында өтеді. Бұл туралы оның продюсері Берік Сұлтан өзінің әлеуметтік желідегі парақшасында жазды.
– Ресми! Жәнібек 5 сәуір Астанада жұдырықтасады бұйыртса! Уақытты реттеп, жоспарлай беріңіздер! 2 әлем чемпионы титулын қорғайды. Қарсылас франциялық боксшы. Рейтингте 7 орында, 14 жеңіс 0 жеңіліс! Астанада жолыққанша!, деді Берік Сұлтан.
