Қазақтың көрнекті ақыны Әбдіраштың Жарасқанына өмірлік серік болған Нәзігүл Нұрғалиқызы Мергенбаева дүниеден озды.
"Өзіңсің - гүлім, Нәзігім, өмірлік темірқазығым" деп жырлаған ақынның аяулы жары 1947 жылы дүниеге келген. Ақынның үлкен ұлы Рүстем Әбдірәш қазақтың белгілі режиссері.
Тыңда менің жүрегімді, ақылдым,
Жүрегімнің садағасы сөз деген...
Мен өмірге бір-ақ келген ақынмын,
Неге мені теңейсің сен өзгемен?!
Бұл сырымды қашан сенен бүгіппін,
Біле-білсең біреуге ұқсап жүру сын.
Мен өмірге бір-ақ келген жігітпін,
Сен өмірге бір-ақ келген сұлусың!
Өмірге бір-ақ келген ақын жарына адал боп, соңғы деміне дейін мұрасына да, ұрпағына да қамқоршы болған Нәзік апамыз - өмірге бір-ақ келген сұлу дүниеден өтіпті. Қош болыңыз!
