Талғарда қыркүйек айының ортасында жоғалып кеткен 40 жастағы ер адам өлі күйінде табылды. Бұған дейін іздеуге қатысты хабарламаны Lider.kz еріктілері Instagram парақшасында жариялаған еді, деп хабарлайды Malim.kz.
1986 жылы туған Карлов Станислав Анатольевич 13 қыркүйекте жоғалған. Таңғы сағат алты шамасында ол Талғар қаласындағы Ломоносов көшесі, 20-үйдегі баспанасынан шығып кеткен.
Белгілері: бойы 170-175 сантиметр, арықша денелі, шашы қара, қысқа сақал-мұрт қояды. Қара түсті капюшоны бар күрте, қара кепка киген, қасында қара түсті барсетка болған.
Еріктілердің мәліметінше, ер адамның денесі Талғарда табылды. Денесінде зорлық-зомбылық белгілері жоқ. Өлім себебін сараптама анықтайды.
Фото: instagram/volontery_almaty_lider.kz
