АҚШ Президенті Дональд Трамп Иранға қарсы әскери операция жақын арада аяқталуы мүмкін екенін мәлімдеді, өйткені “соққы беру үшін іс жүзінде мақсат қалмаған”, деп хабарлайды Malim.kz.
Ол бұл жайында Axios басылымына телефон арқылы берген сұхбатында айтты.
“Мен қалаған кезімде бәрі бітеді”, — деп түсіндірді Ақ үй басшысы.
Басылым еске салғандай, бұған дейін сейсенбі күні АҚШ барлау деректерін алған, сол бойынша Иран Ормуз бұғазында теңіз мінелерін орналастыра бастаған — бұл әлемдегі ең маңызды мұнай жеткізу жолдарының бірі.
АҚШ шенеуніктерінің айтуынша, Иран қанша мина орнатқаны әзірге белгісіз, бірақ олардың аз екені бағалануда.
Трамп Axios басылымына АҚШ соққылары сейсенбі күні мина орналастыруға арналған 16 қайықты жойғанын және Иранның жоспарларын тоқтатқанын растады.
АҚШ Президентінің пікірінше, соғыс “керемет түрде өтіп жатыр”.
“Біз графиктен айтарлықтай озып отырмыз. Біз бастапқы алты апталық кезеңде мүмкін деп ойлағаннан да көп залалды келтірдік”, — деп түсіндірді ол.
Америкалық лидер Иранның дұшпандығы тек Израиль мен АҚШ-қа ғана емес, Парсы шығанағы елдеріне де бағытталғанын атап өтті.
“Олар Таяу Шығыстың қалған бөлігін нысанаға алды. Олар 47 жыл бойы жасалған өлім мен қирандылар үшін жауап беруде. Бұл кек. Олар соншалық оңай құтылмайды”, — деді президент.
