Бергейдің блогер баласы – Ұлыбританияның азаматы

Malim Админ

  • 17.07.2020

Жақында Жоғарғы сот жемқорлық айыбымен сырттай сотталған Атырау облысының экс-әкімі Бергей Рысқалиевтің отбасы мен оның жақындарынан тәркіленген дүние-мүліктің бір бөлігін қайтарғаны белгілі. Біз Ұлыбританияда тұрып жатқан Бергей Рысқалиевтің отбасының өмірін ашық дерек көздер арқылы зерттеп көрдік. 

Б.Рысқалиев Атырау облысын басқарып тұрған шақта жарық көрген мақалалардың бірінде Бергей Сәулебайұлы Лондонда 8 жылдан бері тұратын отбасына жылына төрт рет барып тұратыны, әр барған сайын аудан әкімдері оның "жолына" ақша жинап беретіні жазылған. 

Ал Рысқалиевтің үстінен қылмыстық іс қозғалғаннан кейін, 2014 жылғы мақалада Швейцария банктерінде Рысқали Гүлсім (әйелі), Рысқали Аманжан (ағасы), Рысқали Әлібек (жиен інісі), Сергей Рысқалиев (бауыры) пен Рысқали Асланның (ұлы) атындағы есепшоттарда 100 миллион доллар жатқаны жазылған. 2008 жылы "Республика" газетінің сайтында жарық көрген мақалада Атырау облысы әкімінің үлкен ұлы Ұлыбританиядағы Кэмбридж университетінде, қызыГермания не Ұлыбританияда оқитыны жазылған. 

Ras Aitamyn Telegram каналы ашық мәліметтер арқылы Бергей Рысқалиевтің ұлы Аслан Рысқали туралы бірқатар қызық дерек тапты. 31 жастағы Аслан Рысқалидің Linkedin-дегі мәліметіне қарағанда, ол 2013-2020 жылдар аралығында аса беделді Кэмридж университетінде оқыған. 

Осы күнге дейін Аслан Рысқалидің атында Ұлыбританияда бірнеше компания тіркелген. А.Рысқалидің  жылжымайтын мүлік құрылысымен айналысатын Nordworks limited  компаниясы және  Mobler Ltd компаниясы болған. Бірақ екі компанияда да 2014-2015 жылдары жабылып қалған. Құжаттарда Рысқали Ұлыбритания азаматы деп көрсетілген.

Ал 2020 жылдың 8 сәуірінде Аслан Рысқали Aquila Meloria Ltd компаниясын құрып, оның директоры атанды. Aquila Meloria Ltd Кент графтігіндегі Тонбридж қаласында орналасқан. Компанияның 51 пайыз акциясы Аслан Рысқалидің өзіне, қалған 49 пайызы қарындасы Әсел Рысқалиге тиесілі.

 Аслан Рысқали осыдан бірнеше жыл бұрын Youtube және Instagram-да аса белсенді болып, Батыс әлемжелісіндегі танымал блогер, сүйіктісі Эсте Лалондпен (Estee Lalond) бірге саяхаттаған жерлері, ішкен-жеген тамағы, тіпті сатып алған киімдері туралы влогтар жариялап жүрген. Эсте Лалонд бірнеше сұхбаты мен видеода Youtube-тен Аслан Рысқалидің бастамасымен канал ашқанын қадап айтқан.

Лондондық А.Рысқали мен Канаданың Торонто қаласында тұратын Эстидің махаббаты әуелі онлайн басталып, он айдан кейін А.Рысқали сүйіктісін көру үшін Торонтоға ұшып барған. Аслан Рысқалиге "бір көргеннен ғашық болғанын" айтып ағынан жарылған қыз көп ұзамай Лондонға көшіп барған. Мұны екі жас өздерінің видеосында айтқан, осы жайт Лалонд жайлы мақалада  да жазылған.

 Лондонға көшіп келген бойжеткен Аслан Рысқалимен бірге алыс-жақын елдерді аралап, влог түсіріп,  Батыс аудиториясына күннен-күнге танымал бола бастайды. Ағылшынтілді форумдарда Лалонд Youtube-тегі жетістігі үшін Аслан Рысқалиге қарыздар екені, Рысқалидің арқасында ел көріп, тамаша өмір сүргенін жазғандар көп.

Сүйіктісінің ізінше А.Рысқали де көп ұзамай Youtube пен Instagram-нан өз арнасын ашады. Рысқалидің Youtube-тегі Li0nsmane каналына 96 мың адам, ал Instagram-дағы парақшасына 78 мың адам жазылған. Екі жастың каналындарындағы влогтардан олардың көп саяхаттап, әлемнің ең айшықты жерлеріне барғанын байқауға болады. Мысалы, танымал адамдар некесін қиятын, Анджели Джоли мен Бред Питт бал айын өткізген Санторини аралында демалған

Қызығы, Эсте Лалонд та, Аслан Рысқали осы материал шығардан  бірнеше күн бұрын Youtube-тегі каналдарынан бірге саяхаттаған видеоларын түгел жойған. 

А.Рысқали екі жылдан бері Youtube арнасындағы блогына видео жариялауды қойған. Тура осы кезде А.Рысқали мен Э.Лалонд өздерінің айырылысқандарын жария еткен. Бір жылдан бері жас әнші Эмили Дентон А.Рысқалидің есімін өз парақшасында жиі атап жүр. Сол-ақ екен, ағылшынтілді форумдарда А.Рысқали танымал болғысы келетін бикештерге  аямай ақша құяды деген пікірлер жазылды. Бізді Аслан Рысқалидің кіммен жүретінінен гөрі шетелдерге сапары мен қымбат қонақ үйлерге ақшаны қайдан алатыны, оған әкесі әкеткен ақшаның қатысы бар-жоғы көбірек қызықтырады. Бір анығы, Рысқалиевтің ұлы Лондонда ақшаға мұқтаж болып, таршылық көріп жүрген жоқ. 

Ras Aitamyn Telegram-каналы.  

 

Байланысты жаналықтар

Бишімбаевтың сотын тікелей эфирде 47 мыңнан астам адам қараған

28.03.2024

Бишімбаевтың сотын қайдан көруге болады? (ТІКЕЛЕЙ ТРАНСЛЯЦИЯ)

27.03.2024

Айуандықпен адам өлтірген ер адам Жоғарғы сотқа шағымданды

19.03.2024

Мемлекет басшысы Жоғарғы Сот төрағасы Асламбек Мерғалиевті қабылдады

13.03.2024

Түрмедегі Гүлнараның шетелдегі үш үйі тәркіленді

09.08.2023

Мақат ауданын тастап қашып кеткен әкім Атырау қаласына әкім болып сайланды

10.07.2023
MalimBlocks
Бишімбаевтың сотын тікелей эфирде 47 мыңнан астам адам қараған

Жоғары соттың баспасөз қызметі азаматтық некедегі әйелін өлтірді деп айыпталған бұрынғы Ұлттық экономика министрі Қуандық Бишімбаевқа қатысты сот процесіне қатысты ақпарат берді, деп хабарлайды Malim.kz.

Бишімбаевтың сотын қайдан көруге болады? (ТІКЕЛЕЙ ТРАНСЛЯЦИЯ)

Келесі сот отырысы бүгін сағат 16:00-ге ашық режимде өтеді.

Айуандықпен адам өлтірген ер адам Жоғарғы сотқа шағымданды

Ол 20 жылға бас бостандығынан айырылған.

Мемлекет басшысы Жоғарғы Сот төрағасы Асламбек Мерғалиевті қабылдады

Айтуынша, тергеу кезінде азаматтардың құқықтарын қорғау деңгейі жақсара түсткен.

Түрмедегі Гүлнараның шетелдегі үш үйі тәркіленді

Гүлнара Каримованың Лондондағы ең қымбат аудан болып саналатын Белгравиядағы екі пәтері және Суррей графтығындағы зәулім сарайы тәркіленді.

Мақат ауданын тастап қашып кеткен әкім Атырау қаласына әкім болып сайланды

Атырау облысының әкімі Серік Шәпкеновтің өкімімен Атырау қаласының әкімі лауазымына Шәкір Кейкін тағайындалды.