Абай облысында денсаулық сақтау мекемесін тексеру барысында дәрі-дәрмекпен қамтамасыз ету бойынша көптеген заңнамалық бұзушылық анықталған, деп хабарлайды Malim.kz.
Бұл туралы облыс прокуратурасы мәлімдеді.
Дәрілік заттарды дұрыс сақтамау, есірткі заттары бар ампулаларды уақытылы бұзбау және дәрі-дәрмектің дұрыс жазылмауы анықталды. Сонымен қатар науқастарға ота жасау кезінде мерзімі өтіп кеткен «Кетам» анестезиясын қолдану фактілері анықталды, - делінген хабарламада.
Медициналық мекеменің 12 лауазымды тұлғасы ӘҚБтК-нің 426-бабы бойынша тәртіптік жазаға тартылып, әкімшілік айыппұлдар салынды.
Фото: nika-dent.ru
