Абай облысының 36 жастағы тұрғынын тепловоз басып кетті. Оқиға 10 қыркүйек күні Аягөз қаласында болған.
Әйел оқиға орнында көз жұмды. Алдын ала мәліметтер бойынша, 36 жастағы азаматша құлаққаппен ән тыңдап, теміржолдан өтіп бара жатқан. Таяп қалған тепловоздың дабылын музыканың әсерінен естімеген болуы керек.
Осыған ұқсас оқиға биыл наурыз айында Шымкент қаласында болған. Ол кезде жүк пойызы 18 жастағы бозбаланы қағып кеткен еді.
Фото: tepsteel.com
