Қайғылы оқиға Алакөл көлінің Көктұма ауылы маңындағы демалыс аймағында болған, деп хабарлайды Malim.kz.
Алдын ала мәліметке сәйкес, жағалау маңында жүрген әйел кері қозғалған катердің винтіне түсіп кеткен.
Дәрігерлердің айтуынша, зардап шегуші көп қан жоғалтып, ауыр халде ауруханаға жеткізілген. Шұғыл жасалған операция кезінде оның екі аяғын ампутациялауға тура келген.
Қазір әйел жансақтау бөлімінде жатыр, жағдайы өте ауыр. Оқиғаның нақты себептері мен мән-жайын құзырлы органдар анықтап жатыр.
