АҚШ президенті Дональд Трамптың қызметіне деген халықтың қолдау деңгейі оның 2025 жылдың қаңтарында екінші мерзімге Ақ үйге қайта оралғаннан бергі ең төменгі көрсеткішке жетті. Бұл туралы Reuters агенттігінің тапсырысы бойынша Ipsos қоғамдық пікірді зерттеу институты жүргізген сауалнама нәтижелері көрсетіп отыр.
Алты күнге созылған сауалнама қорытындысы бойынша, қатысушылардың шамамен 42%-ы Трамптың президент ретіндегі қызметіне қанағаттанатындарын айтқан. Бұл — үш апта бұрын жүргізілген Reuters/Ipsos зерттеуіндегі 43%-дан төмен. Ал Трамптың 20 қаңтар 2025 жылы өткен инаугурациясынан кейінгі алғашқы күндері оның қолдау көрсеткіші 47%-ға жеткен еді.
Сарапшылардың пайымдауынша, халықтың сенім деңгейінің төмендеуіне Трамптың билігін кеңейтуге бағытталған әрекеттері себеп болып отыр. Америкалықтар бұл бастамаларға сақтықпен қарап, алаңдаушылық білдіруде.
Фото: Alex Brandon/AP/picture alliance
