Ердоғанның басты қарсыласы Фетхуллах Гүлен АҚШ-та қайтыс болды
Ол ұзақ уақыт бойы ауыр сырқатпен күресті
Түркия президенті Режеп Ердоғанның басты қарсыласы және FETO түрік оппозициялық ұйымының басшысы Фетхуллах Гүлен қайтыс болды. Бұл туралы Herkul порталы жариялады.
Гүлен АҚШ-та 1999 жылдан бері тұратын. Осы елде 83 жасында дүниеден өтті. Ол ұзақ уақыт бойы ауыр сырқатпен күресіп, ауруханаға жатқызылған еді, бірақ оның өмірін сақтап қалу мүмкін болмаған. Гүленнің өлімі туралы ақпаратты оның жиені Эбуссеме Гүлен растады. Оның айтуынша, Фетхуллах 20 қазанда Пенсильваниядағы клиникада қайтыс болды.
Фетхуллах Гүлен - түрік ислам уағызшысы және қоғам қайраткері. Ол білім беру мекемелерінің, қайырымдылық ұйымдарының, медиа компаниялардың және басқа жобалардың желісін қамтитын “Хизмет" қозғалысын құрды. Гүленнің идеологиясы дінаралық диалогты, толеранттылықты және білім беру реформаларын белсенді қолдауға бағытталған.
2016 жылдың 15 шілдесінде Түркияда төңкеріс әрекеті болып, оны түрік билігі Гүленді ұйымдастырды деп айыптады. Ал ол өзінің бұл оқиғаға қатысы жоқ екенін айтқан.
Бұған дейін Түрік БАҚ-тары Гюленнің 2021 жылдың 17 қарашасына қараған түні уланғанын хабарлаған. Алайда кейінірек FETO түрік оппозициялық ұйымы басшысының өлімі туралы ақпарат жоққа шығарылды.
Фото: Reuters
Байланысты жаналықтар
MalimBlocks
