Голан жотасында қазақстандық жауынгерлерге қауіп жоқ – Қорғаныс министрлігі
Қазір онда қазақстандық 139 жауынгер бар
Израиль бақылауындағы Голан жоталарында БҰҰ-ның бітімгерлік миссиясын орындап жатқан қазақстандық жауынгерлерге қауіп тқніп тұрған жоқ. Бұл жөнінде Қорғаныс министрлігі мәлімдеме таратты, деп хабарлайды Malim.kz.
Министрлік бітімгер жауынгенлеріміздің қалыпты жұмысын жалғастырып жатқанын, «жеке құрамның өмірі мен денсаулығына қауіп төніп тұрмағанын» жеткізді.
Айта кетейік, 27 шілдеде Израиль бақылауында ұстап отырған Голан жоталары зымыранмен атқыланған еді. Соның салдарынан 12 адам қаза тапты.
Негізінен 10-20 жас аралығындағы балалар мен жасөспірімдер көз жұмған. Өйткені соққы Мадждал Шамс қаласындағы футбол алаңына түскен.
Қазіргі онда 139 әскери қызметкерден тұратын қазақстандық жасақ бар. Олар наурызда жеткен еді. Сондай-ақ, «қарсылас тараптар арасында атысты тоқтату режимін сақтау міндеттерін орындауға арналған» әскери техника мен мүлік орналасқан.
Фото: ria.ru
MalimBlocks
