Нью-Орлеандағы терактіден қаза тапқандар саны 15 адамға жетті
Полиция теракт жасаған Шамсуд-Дин Джаббар есімді адамды атады
Луизиана штатының Нью-Орлеан қаласында Жаңа жыл түнінде көлік көшедегі жұртты соғып өтіп, 15 адам қаза тауып, кемінде 35 адам жарақат алды. BBC оқиға мен күдікті туралы бірқатар мәліметті жариялады, деп хабарлайды Malim.kz.
Жаңа жылдың бірінші күні, таңғы 03:15 шамасында, Ford пикабы Бурбон-стриттегі Француз кварталының орталығында жиналған халыққа соққан. Қауіпсіздік камераларынағы түсірілген кадрларға қарағанда, ақ түсті Ford F-150 Lightning көлігі полиция көлігін айналып өтіп, тротуарға шығып, жаяу адамдарды қаққан.
Күдікті Шамсуд-Дин Джаббар көліктің ішінде қарумен болған және құқық қорғаушыларға оқ жаудырып, екі полиция қызметкерін жарақаттаған. Одан кейін оны полиция атып өлтірген.
АҚШ Федералды тергеу бюросы күдіктінің аты-жөнін жариялады: ол 42 жастағы Техас тұрғыны, ардагер жауынгер Шамсуд-Дин Джаббар болып шықты. Оның басқарған көлігінен «Ислам мемлекеті» ұйымымен байланысты ту табылған және ФТБ оның террористік топтармен байланысын тексеріп жатқанын мәлімдеді.
фото: bbc.com
Президент Джо Байденнің кешкі үндеуінде, ФТБ оған осы шабуыл туралы хабарлағанын айтты. Байденнің сөзінше, күдікті шабуылдан бірнеше сағат бұрын әлеуметтік желілерге видео жариялап, «Ислам мемлекеті» ұйымынан шабыт алғанын және «адамдарды өлтіру» ниетін білдірген.
Сондай-ақ, оқиға маңынан ықтимал жарылғыш заттар табылған.
Фото: ici.radio-canada.ca / Getty Images / AFP / MATTHEW HINTON
