Олимпиада чемпионы Диера Келдиерова Өзбекстанда беделді қызметке тағайындалды
Ол елдегі гендерлік теңсіздік пен балаларға қатысты зорлық-зомбылыққа қарсы күреспек
Дзюдодан 2024 жылғы Олимпиада чемпионы Диера Келдиерова Өзбекстанда гендерлік теңсіздік пен балаларға қатысты зорлық-зомбылыққа қарсы күрес жөніндегі ұлттық әлеуметтік қорғау агенттігінің әлеуметтік комиссары болды, деп хабарлайды Malim.kz.
Чемпионның жаңа қызметке тағайындалғаны туралы Агенттік директорының бірінші орынбасары Шахноза Мирзиеева Instagram-да хабарлады.
Бұл шешім тек әкімшілік әрекет емес, біздің қоғамдағы терең оң өзгерістердің белгісі. Диераның олимпиадалық жеңісі прогрессивті өзгерістердің катализаторы болды, бұл әлемге Өзбекстанның тең мүмкіндіктер мен шексіз әлеует елі екенін көрсетті, деп жазды ол.
Шахноза Мирзиееваның сөзінше, Келдиерованың әлеуметтік комиссар ретіндегі жаңа рөлі – Өзбекстанның барлық әйел заты үшін күшті сигнал: дәстүрлі отбасылық құндылықтарды сақтай отырып, кез-келген салада шыңды бағындыруға болады.
Фото: Instagram/Шахноза Мирзиёева
