Анкарада TUSAŞ аэроғарыш компаниясының жанында жарылыс болды, деп хабарлайды Malim.kz.
Бұл компания ұшқышсыз ұшатын аппараттар өндірумен айналысатынын айта кетейік.
Түркиялық A Haber телеарнасының мәліметінше, шабуылдаушылар нысанға кірмек болған, бірақ күзетшілерге тап болған. Осыдан кейін жарылыс болып, атыс басталған.
Түркияның Ішкі істер министрі Али Ерликая бұл оқиғаны теракт деп атады.
Оның айтуынша, автоматпен қаруланған үш лаңкес (біреуі әйел) ғимаратының кіреберісіне келіп, қол гранатасын лақтырған. Шабуыл салдарынан үш адам қаза тауып, 14 адам жараланды. Екі шабуылшы өлтірілді.
Сондай-ақ жергілікті БАҚ 10 адамның кепілде қалғанын жазып жатыр.
Фото: видеодан кадр
